Sýretti túsirgen - Valerıı Býgaev
Kerekýlik Dáýlet Shabanbaı – Azııa chempıonatynyń tórt dúrkin (2008, 2009, 2011, 2014 jyldar) qola jáne Azııa oıyndarynyń kúmis júldegeri. Bıyl qyrkúıek aıynda dopıngke qarsy tekserister jarııa etilip, London olımpıadasyndaǵy Grýzııa jáne О́zbekstan sportshylarynyń nátıjeleri joıylǵany sebepti jerlesimiz olımpıadanyń qola júldegeri atandy.
Sportshy úlken sporttaǵy mansabyn aıaqtaǵan soń bapker retinde qyzmetke kirispek.
- Basty maqsatym – jastarǵa tájirıbemdi, eńbeksúıgishtik qasıetterdi jetkize bilý. Eńbeksúıgish adam jolyndaǵy qıyndyqtyń barlyǵyn jeńedi. Qazaqstan sportynyń týy bıikte jelbireı bersin, – dedi Dáýlet Shabanbaı.
Ábilqaıyr Sqaqov olımpıada júldegeriniń otandyq sportty damytýdaǵy eńbegin joǵary baǵalap, Pavlodar qalasynan bir bólmeli páterdiń kiltin tabystady.
«Oblys turǵyndary sizdiń jetistigińizben maqtanady. О́skeleń urpaq úshin úlgisiz. Jıǵan tájirıbeńiz ben sheberligińizdi jas sportshylarǵa daryta bilýińiz kerek», dedi ákim.
Aıtyp óteıik, bul - jazǵy olımpıada oıyndarynan pavlodarlyq sportshylar ıelengen tuńǵysh júlde.
