Qoǵam • 08 Qarasha, 2022

Oftalmolog mamandarǵa rızamyn

300 ret

kórsetildi

1 mın

oqý úshin

«Eki kóziń – shyraǵyń» dep dana halqymyz bilip aıtqan ǵoı. Kóz janarym nasharlaǵan soń emhanaǵa baryp qaralǵanmyn. Ondaǵy dárigerler katarakta degen dıagnoz qoıdy. Sodan portal ashtyryp, joldamamen Shymkent qalasyndaǵy klınıkalyq aýrýhanaǵa qarasty ekinshi mıkrohırýrgııa bólimshesine keldim. Qaıta qosymsha tekserýden ótken soń ile-shala kózime operasııa jasaldy.

Egemen Qazaqstan

Sátti jasalǵan operasııadan keıin de bólim meńgerýshisi Nurlan Mııatbekuly Dáribaev basqaratyn mıkrohırýrgııa bólimshesiniń qyzmetkerleri emdi odan ári jalǵastyrdy, ıaǵnı táýlik boıy kóz janarymdy tekserip, tıisti emdeý sharalaryn qoldanýmen boldy. Sonyń nátıjesinde kózim shyradaı janyp, tez jazylý úshin keńester alyp, emhanadan shyqtym.

Kózge operasııa jasaýǵa qatysqan jáne emderin aıamaǵan dárigerler Ǵazız Serikbaıuly Meıramov, Nurken Ádilbekuly, Álııa Ábdimálikqyzy, Erjan Beıbituly Qashqynbaev, Álııa Iýlchıbekova, aǵa meıirbıke Gúlzada Baqytjanqyzy Myrzalıeva sekildi aq jeleńdi abzal jandarǵa alǵysymdy aıtyp, emdelýshilerdiń aq alǵysynan alqa taǵa berińizder degim keledi. Kósegelerińiz kógerip, shańyraqtaryńyzǵa Táńirdiń nury jaýa bersin.

Nashar kóretin jandarǵa janar men júrek jylýyn syılaıtyn meıirimdi aq jeleńdiler álbette kóbeıe tússin.

Káribaı ÁMZEULY,

zeınetker

Túrkistan oblysy