Emhanany aralaý barysynda úmitker tek medısına qyzmetkerlerimen ǵana emes, naýqastarmen de tildesti. Kezdesý kezinde naýqastardyń biri dári-dármek baǵasynyń qymbattyǵyna shaǵymdanyp, bir kýrs em úshin tek ıneksııaǵa 40 myń teńgege jýyq qarajat jumsaǵanyn aıtty. «Dári-dármek baǵasy kún ótken saıyn qymbattap barady. Jaqynda maǵan ıneksııalar taǵaıyndaldy. Bir ampýlasy 1300 teńge turady. Meniń emime birden 30-y qajet, bul basqa preparattardy, shprısterdi jáne ózge de shyǵyndardy eseptemegende shyǵatyn soma», dedi emhanadaǵy emdelýshilerdiń biri.
Kandıdatpen kezdesý kezinde dárigerler de ózderin mazalaǵan máselelerdi talqyǵa salyp, ózekti suraqtaryn qoıdy. Olardyń aıtýynsha, emhanada dárigerler, ásirese, kásibı mamandar tapshylyǵy qatty bilinedi. Jalaqynyń azdyǵy da bilikti kadr máselesin ýshyqtyryp tur.
Saltanat Tursynbekova memleket pen halyqtyń yntymaqtasa jumys isteý kerektigin aıtty. «Densaýlyq saqtaý júıesinde sheshimin tappaǵan máseleler kóp. Dárigerlerge qolaıly jaǵdaı jasalsa, naýqastarǵa da oń áseri bolary sózsiz. Munyń bári júıeniń qalaı durys qurylatynyna baılanysty», dedi S.Tursynbekova.
