Qazaqstan quramasy kezdesýde jyldam esep ashty. Kózge túsken Dýglas edi. Ári qaraı jas oıynshy Ábirasýl Ábdimanapuly esepti eselep, ulttyq quramadaǵy alǵashqy golyn soqty. Birinshi taım Arnold Knaýbtyń sheber soqqysymen aıaqtaldy. Esep – 3:0.
Ekinshi taım bastalǵan sátten Rıkardo Kaka shákirtteri taǵy da jyldam gol soqty. Albert Aqbalyqovqa esepti ózgertý úshin nebári 35 sekýnd qajet boldy. Ári qaraı Eýro-2022 úzdik surmergeni Birjan Orazov 12 sekýnd ishinde eki márte qarsylastyń qaqpasynan sańylaý taýyp, jyldam soǵylǵan dýbl avtory atandy.
Oıyn nátıjesin shabýylshy Azat Valıýllın túıindedi. Esep – 7:0.
Qazir Qazaqstan quramasy toǵyz upaımen óz tobynda birinshi orynda tur. Endi kelesi kezdesý 2023 jyldyń 8 naýryzynda syrt alańda Slovenııaǵa qarsy ótedi.
