«Qaraýǵa usynylǵan atalmysh zań jobasy ákimshilik-aýmaqtyq qurylymdy qaıta qurý jáne úsh jańa oblysty qurý jaǵdaıynda ázirlendi. Orta merzimdi kezeńde óńirlik saıasattyń jalpyulttyq basymdyǵy - árbir azamat úshin zańnamalyq kepildendirilgen bazalyq qyzmetter deńgeıinde «teńgerimdi aýmaqtyq damýdy» qamtamasyz etý», dedi Ulttyq ekonomıka mınıstri Álibek Qýantyrov Senattyń jalpy otyrysynda.
Onyń aıtýynsha, jalpy sıpattaǵy jańa úsh jyldyq transfertter osy mindetti sheshýge, onyń ishinde bıýdjetaralyq qatynastardy jetildirý boıynsha jekelegen tásilderdi qoldaný jolymen baǵyttalǵan.
«Tásilderdiń birinshi baǵyty óńirlerdiń derbestigin odan ári arttyrýǵa baǵyttalǵan. О́tken jyly Úkimet jergilikti bıýdjetterdiń kiristerin boljaý ádisnamasyn jetildirý boıynsha jumys júrgizdi. Parlament jáne esep komıteti depýtattarynyń usynymdary boıynsha óńirlerdiń salyq áleýetin esepke alý tásilderi ázirlendi. Boljam boıynsha óńirlerdiń kiristeri 2025 jyly 6,1 trln teńgege deıin nemese 30%-ǵa ósedi. Úkimet jergilikti bıýdjetterdiń kiris bazasyn nyǵaıtý boıynsha jumys isteýdi jalǵastyryp keledi», dep atap ótti mınıstr.
