«Kelesi úsh jylǵa arnalǵan respýblıkalyq bıýdjet pen Ulttyq qordyń parametrlerin qalyptastyrý kezinde Memleket basshysynyń únemdi jáne jaýapty bıýdjettik saıasat tujyrymdamasyn qamtamasyz etý boıynsha qoıǵan mindetteri eskerildi. 2023-2025 jyldarǵa arnalǵan respýblıkalyq bıýdjettiń parametrleri bıýdjet saıasatynyń onyń kiris bazasyn tolyqtyrýdyń jańa kózderin qalyptastyrýǵa baǵdarlanýyn jáne bıýdjet shyǵystaryn áleýmettik-ekonomıkalyq damýdyń basym baǵyttaryna shoǵyrlandyrýdy eskere otyryp aıqyndaldy», dedi Álibek Qýantyrov Senattyń jalpy otyrysynda.
Onyń aıtýynsha, 2023 jyly respýblıkalyq bıýdjettiń kiristeri bıylǵy jyldyń naqtylanǵan josparynan 37%-ǵa artyq bolady.
«Josparly kezeńde 2025 jylǵa qaraı respýblıkalyq bıýdjettiń kirisi 17,2%-ǵa ósedi dep kútiledi. Mundaǵy qosymsha túsimder Úkimettiń kiris bazasyn keńeıtý jáne salyqtyq ákimshilendirýdi jaqsartý, sondaı-aq kóleńkeli ekonomıkanyń úlesin tómendetý boıynsha qabyldap jatqan sharalary esebinen qamtamasyz etiledi», dep tolyqtyrdy mınıstr.
