Úkimet basshysy munaı eksportyn ártaraptandyrý úshin arnaıy jol kartasy ázirlengenin aıtty.
«Atap aıtqanda, bul Aqtaý porty arqyly Baký portyna jáne odan Baký-Tbılısı-Djeıhan munaı qubyry baǵyty. Sondaı-aq Grýzııada Baký-Sýpsa jáne Baký-Batýmıde bizdiń termınal ornalasqan. Sonymen qatar Atyraýdan Batýmıge jáne О́zbekstanǵa baǵyttalǵan temir joly, Qytaı Halyq Respýblıkasyna da baǵyt bar», dedi Á.Smaıylov.
Premer-Mınıstr sondaı-aq 2023 jyldyń 1 qańtarynan bastap Baký-Tbılısı-Djeıhan munaı qubyry arqyly 1,5 mıllıon tonna qazaqstandyq munaıdy tasymaldaý týraly kelisim baryn aıtty. Odan ári 6-6,5 mln tonnaǵa deıin arttyrý pysyqtalyp jatyr.
Sonymen qatar Úkimet basshysy «Teńizshevroıl» vagon-sısternalarynyń sanyn eki esege arttyrǵanyn jáne qazirdiń ózinde Batýmı men О́zbekstanǵa temirjol arqyly pılottyq jóneltýlerdi bastaǵanyn atap ótti.
