BıoО́ner (BıoArt) – bul ǵylymı jáne shyǵarmashylyq salanyń úılesiminen týyp, endi damyp kele jatqan óner baǵyty. Kórmege izdenimpaz jastardyń adamnyń biregeıligi men jan-jaqtylyǵyn kórsetetin eksponattary qoıyldy. Sonymen birge elordadaǵy №10 mektep-gımnazııasynyń kórý qabileti nasharlaǵan oqýshylarynyń jumystary da usynyldy. Barlyq eskponattardyń úsh tildik sıpattamasy kózi nashar kóretin jandarǵa arnalǵandyqtan braıl qarpimen jazyldy.
Is-sharanyń negizgi maqsaty –ınklıýzıvti bilimge jáne ǵylymǵa qyzyǵýshylyǵy mol adamdardy, sondaı-aq kórý qabileti nasharlaǵan balalarǵa kómekteskisi keletinderdiń basyn qosyp, osy saladaǵy ózekti máselelerden habardar etip, múmkindiginshe qarajatpen qoldaý kórsetý.
Nazarbaev ýnıversıtetiniń jas ǵalymdary osyndaı erekshe kórmeni ótkizýdi bir jylǵa jýyq oılastyryp, bylaıǵy jurtshylyq kóp bile bermeıtin óner úlgisi arqyly adamzatqa bıologııalyq dúnıeniń baılyǵy men alýan túrliligin kórsetýdi basty taqyryp etip alǵan. Máselen, Áset Málik óz jumysynda kórý qabileti nashar balalarǵa arnalǵan ósimdikter men janýarlar jasýshylarynyń arnaıy úlgisin usyndy. Avtordyń aıtýynsha, ol tiri organızmderdiń beınesin beredi.
Nazarbaev ýnıversıteti stýdentteriniń uıymy – iGEM – bul sıntetıkalyq bıologııanyń jáne bıotehnologııanyń damýyna arnalǵan jyl saıyn ótkiziletin halyqaralyq konkýrs. Osy baıqaýdyń aıasynda atalǵan joǵary oqý ornynyń komandasy Qazaqstanda ǵana emes, búkil Ortalyq Azııa kóleminde gendik ınjenerııa jobasymen jumys isteıdi.
«Maǵynasy men mazmuny jaǵynan san qyrly kórmeni kórip, rıza bolyp otyrmyn. О́ıtkeni avtorlar adam damýy men ekologııalyq problemalardy jáne qyzyl kitapqa engen janýarlar týraly ótkir máseleni kótergen. Shyn máninde, kórmege qoıylǵan jumystardy jaı qara shyǵa almaısyz. Mysaly, ulý men qumyrsqalardyń sýret salǵanyn kórip, tańǵaldym. Sondaı-aq adam jasýshasynyń myń ese úlkeıtilgen kartınasy da erekshe áser qaldyrdy», dedi belgili sýretshi, «Qulanshy» zamanaýı óner ortalyǵynyń kýratorlar keńesiniń meńgerýshisi Leıla Mahat.
Sonymen qatar is-sharanyń tujyrymyn jasap, jas ǵalymdarǵa baǵdar bergen kórme kýratorlary Sultan Musahan, Áıgerim Májıthan, kórme jetekshisi Ánel О́mirbaeva jáne art-dırektory Zere Mamadildiń eńbegin erekshe atap ótken jón. Kórmeden jınalǵan qarajat Nazarbaev ýnıversıtetiniń iGEM stýdentter uıymy qurastyrǵan «Remisee» jobasyn damytýǵa, zaǵıp jáne kórý qabileti nasharlaǵan oqýshylardyń bilim sapasyn jaqsartýǵa jumsalady.
