Ol jergilikti halyqty kandıdattyń saılaýaldy baǵdarlamasymen tanystyrdy.
Q.Aıtýǵanov Qostanaı aýdanynyń Zarechnyı kentinde ornalasqan «Terra» sharýa qojalyǵynyń qyzmetkerlerimen kezdesti. Kezdesý kezinde sharýashylyq basshysy Vladımır Semeıkın sharýashylyq taýarlyq jáne tuqymdyq kartop, sondaı-aq qyryqqabat, sábiz, qyzylsha, pııaz sııaqty kókónister óndirýmen aınalysatynyn aıtty. Sharýashylyqta kókónisterdi óndirýdiń tuqym otyrǵyzýdan bastap, daıyn ónimdi satýǵa deıingi barlyq úderis avtomattandyrylǵan. Bul jumystardyń barlyǵy mamandar baqylaýymen júzege asyrylady jáne jańa tehnologııalardyń barlyq talabyna jaýap beredi.
Budan keıin Qaırat Aıtýǵanov oblys fermerlerimen kezdesý ótkizdi. Ol aýyl sharýashylyǵyn damytý úshin jańa memlekettik agrarlyq saıasatty ázirleý qajet ekenine toqtaldy. Ony agroónerkásiptik keshendi jáne elimizdiń aýyldyq aýmaqtaryn damytýdyń 2070 jylǵa deıingi uzaqmerzimdi ulttyq strategııasyn ázirleý jáne qabyldaý arqyly jasaýǵa bolatynyna nazar aýdardy. «Birinshi kezekte aýyl sharýashylyǵy taýaryn óndirýshilerdiń servıstik-tutyný kooperasııasyn yntalandyrý negizinde aýyl sharýashylyǵynyń óndiristik ınfraqurylymyn qurý mańyzdy», dedi ol.
