Buǵan deıin Rıdder jylý ortalyǵynyń 6 nómirli joǵary qysymdy qazandyǵynda shtattan tys jaǵdaı oryn alǵany habarlanǵan edi. TJ shtabynyń málimetinshe, 2022 jylǵy 11 qarashada saǵat 8:00-de JEO-da temperatýra 57/44 gradýsty qurady. Syrtqy aýa temperatýrasy - 2 gradýs.
«Qazir jylý ortalyǵy shtattyq rejımde jumys isteıdi. № 6 qazandyqta apat joıyldy. Gıdravlıkalyq synaqtar júrgizilip, saǵat 8:00-de qazandyq agregatyn jaǵý bastaldy. Aldaǵy saǵattarda qazandyq jelige qosylyp, jylý beriledi. Qala boıynsha energııa tutyný 9 Mvt quraıdy (buǵan deıin 12-19 MVt aralyǵynda bolǵan). Bul úılerdegi temperatýralyq rejım qalpyna keletinin bildiredi», dep habarlaıdy shtab.
Sonymen qatar, búgin JEO-ǵa qosymsha 4 mazýt sısternasy jetkizildi.
