Finprom derekterine qaraǵanda, 29 jasqa deıingi menshik ıeleri elimizdiń iri megapolısterinde jumys isteıtini baıqalady. Olar jalpy kompanııalardyń 57,9%-yn qurady. Máselen, Almatyda atalǵan sektordyń 9,2 myń kompanııasy jumys isteıdi, bul ótken jyldyń sáıkes kezeńimen salystyrǵanda 4%-ǵa artyq. Astanada 7,8 myń jas zańdy tulǵa tirkelse, Shymkenttegi 2,8 myń kásiporyndy 29 jasqa jetpegen basshylar basqarady.
Jas kásipkerlerge tıesili kompanııalardyń eń az bóligi Ulytaý, Abaı jáne Jetisý oblystaryna ornalasqan.
Mundaı zańdy tulǵalar kóbinese kóterme jáne bólshek saýda, avtojóndeý salasymen aınalysady. Jas menshik ıeleri jetekshilik etetin kompanııalar arasynda memlekettik basqarý jáne qorǵanys, jylý, elektr jáne sýmen jabdyqtaý, qaldyqtardy joıý sııaqty salalar jıi kezdesedi.
