Delegasııany federaldy ınvestısııalar mınıstri Chaýdrı Salık Hýseın men energetıka mınıstri Mýsadık Masýd Malık bastap keldi. Kezdesý barysynda eki tarap ınfraqurylym, mýltımodaldy tasymaldar, temirjol qatynasy, halyqaralyq avtomobıl kóligi dálizderi, áýe tasymaly jáne qorǵanys-ónerkásip keshenin damytý salasyndaǵy yntymaqtastyq máselelerin talqylady.
«SCAT áýekompanııasy Almaty – Karachı jáne Almaty – Lahor baǵyttary boıynsha turaqty reıster ashýdy josparlap otyr. Osy rette áýekompanııa Pákistannyń avıasııalyq bıligine reısterdi júzege asyrýǵa baılanysty ótinim berdi», dep atap ótti IIDM basshysy.
Sondaı-aq qazaqstandyq tarap otandyq kompanııalardyń Pákistanǵa hımııalyq ónim túrlerin jetkizý eksportyn ulǵaıtýǵa múddeli ekendigin atap ótti.
О́z kezeginde Pákistan tarapy óz porttaryn, atap aıtqanda Arab teńiziniń jaǵalaýyndaǵy Karachı teńiz portyn jáne Peshavar, Islamabad jáne basqa da iri qalalarmen avtomobıl jáne temir joldarmen baılanysqan Lahor qurǵaq portyn paıdalaný múmkindikteri týraly habardar etti.
Eki tarap kólik salasyndaǵy yntymaqtastyq jónindegi Qazaqstan-Pákistan birlesken jumys tobynyń ekinshi otyrysy sheńberinde yntymaqtastyq máselelerin odan ári egjeı-tegjeıli qaraýǵa ýaǵdalasty.
Kezdesý qorytyndysy boıynsha taraptar eki el arasyndaǵy ózara tıimdi yntymaqtastyqty odan ári arttyrý úshin zor áleýettiń bar ekendigin atap ótip, ýaǵdalastyqtardy dıplomatııalyq arnalar arqyly rastaýǵa kelisti.
