Jyl saıyn ERG kásiporyndarynda osy kolledjderdiń júzdegen stýdenti óndiristik tájirıbeden ótedi. Olardyń basym bóligi oqýyn támamdaǵan soń ónerkásiptke eńbek etýge daıar. Toptyń Qostanaı, Pavlodar jáne Aqtóbe oblysyndaǵy kásiporyndaryna 5 jylda kolledjderdiń 3 myńǵa jýyq túlegi jumysqa ornalasqan. Sońǵy saýalnama jastardy mundaǵy eńbekaqy men qyzmette órleý múmkindigi jáne turaqtylyq (52%, 45% jáne 45%) qyzyqtyrǵanyn kórsetti.
– Álem bir orynda turmaıdy. О́ndiris pen ondaǵy qyzmetkerlerge qoıylatyn talap ózgerip keledi. Sizder men bizdiń mindetimiz – stýdentterdiń barynsha ózekti bilim men qajetti daǵdylardy meńgerýine jaǵdaı jasaý, - dedi Eýrazııalyq Toptyń basqarma tóraǵasy Serik Shahajanov.
Oqý ordalary men ERG-diń osy baǵyttaǵy umtylysyn bir arnaǵa shoǵyrlandyrý úshin Kolledjder alıansy quryldy. Ázirge odaqqa jalpy sany 14 tehnıkalyq jáne kásibı bilim berý uıymy otyr.
Alıanstyń negizgi mindetteri:
- Kásibı, tehnıkalyq jáne orta bilimnen keıingi bilim berý baǵdarlamalaryn jetildirý. Sonyń ishinde Qazaqstandaǵy taý-ken metallýrgııa salasynyń qajettilikteri men koledj túlekterine qoıylatyn joǵary kásibı qabilet talaptaryn eskerý;
- Kolledjderdiń salalyq oqytý-ádistemelik ortalyǵyn quryp, damytý;
- Kolledjderdiń oqytýshylary men jetekshilerine arnalǵan kóshbasshylyq baǵdarlamalaryn ázirlep, iske asyrý;
- ERG-diń qazaqstandyq kásiporyndarynan bastamashyl, joǵary bilikti mamandary arasynan tálimgerler pýlyn jasaqtaý;
Budan bólek, Alıans quramyna engen taǵy bir kompanııa – BTS Education kolledjderdiń oqytýshylary men stýdentterine biliktilikti arttyrýdyń onlaın kýrstaryn usynady. Ári óziniń jańartylǵan bilim berý baǵdarlamalarynyń ádistemesin beredi.
– Keıingi kezde tehnıkalyq jáne kásibı bilim berý salasynda oń ózgerister baıqalady. Búginde bilim berý baǵdarlamasynyń mazmuny men oqytý merzimderin kolledjder jumys berýshimen birlese otyryp, ózderi aıqyndaıdy. 500 kolledjde dýaldi bilim berý júıesi engizilip, ol shamamen 68 myń stýdentti qamtydy. Jumysqa ornalasý mindetterin usynsa, kásiporyndardyń ótinimi boıynsha maqsatty kadrlar daıarlaý isi júrgiziledi. Alıans bizdiń bastamalarymyzdy nyǵaıtyp, tehnıkalyq mamandardy daıarlaý sapasyn arttyrady degen senimdemin, - dedi Oqý-aǵartý mınıstrliginiń basqarma basshysy Qalamqas Alǵazınova.
ERG Top kásiporyndary ornalasqan óńirlerdegi kolledjderdi únemi qoldap keledi. Máselen, oqý ordalarynyń materıaldyq-tehnıkalyq bazasyn nyǵaıtýǵa bıyl 310 mln teńge bólingen. 2021 jyldan beri barlyq kolledjderdiń stýdentterine aqyly praktıkalar uıymdastyrylyp keledi. Aımaqtardy damytýdyń úshjyldyq baǵdarlamasy aıasynda seriktes-kolledjderge 700 mln teńgeden astam qarajat bólý kózdelgen.
