Qazaqstan Ulttyq Banki men QUB Tólem jáne qarjylyq tehnologııalardy damytý ortalyǵy (TQTDO) «Sıfrlyq teńge jobasyna ınvestısııa» salýǵa jarnamalaıtyn alaıaqtardyń saıttary paıda bolǵany týraly eskertedi.
Resmı málimdemede «Sıfrlyq teńge» jobasy azamattardan ınvestısııa tartpaıtyny aıtylǵan.
Ol tólemder men aqsha aýdarymdary salasynda Qazaqstannyń ulttyq valıýtasy úshin jańa múmkindikter ashýǵa baǵyttalǵan.
Aıta keteıik, sıfrlyq teńge qazir ázirleý jáne synaqtan ótkizý kezeńinen ótip jatyr. Jospar boıynsha ulttyq sıfrlyq valıýtany engizýge qatysty túpkilikti sheshim osy jyldyń sońyna deıin qabyldanady.
Azamattardyń jeke derekteri men qarajatyn qoldy qylý úshin alaıaqtar Sıfrlyq teńge jobasy boıynsha jalǵan veb-saıttar men áleýmettik jelilerde paraqshalar ashyp jatyr. Ulttyq Bank mundaı ınternet-resýrstarǵa senbeýge, jeke bastyń jáne baılanys derekteri kórsetilgen kez kelgen blankti toltyrmaýǵa shaqyrady. Eger jeke derekterdi jiberip qoıǵan bolsańyz, dereý quqyq qorǵaý organdaryna habarlasý kerek.
Sıfrlyq teńge jobasy týraly resmı aqparat kózi mynalar: TQTDO – payfintech.kz saıty, Qazaqstan Ulttyq Banki – nationalbank.kz ınternet-resýrsy. Basqa saıttardyń, sonyń ishinde «.kz» domendik keńistiginen tys tirkelgen saıttardyń bul jobaǵa esh qatysy joq. Osyǵan qatysty basqa da keńesterdi Ulttyq Banktiń 1477 Baılanys ortalyǵynan alýǵa bolady.
Ortalyq bankterdiń sıfrlyq valıýtalardy ázirleý máselesi jıi aıtyla bastaǵandyqtan, ortalyq bankter men jalpy qoǵamnyń bul taqyrypqa qyzyǵýshylyǵy artyp kele jatqandyqtan, sıfrlyq teńgeniń buqaralyq aqparat quraldarynda kóp kóterilýinen – mundaı jalǵan jarnamalar sheteldik ortalyq bankter jasap jatqan sıfrlyq valıýtalarǵa da qatysty belgili bir jıilikpen shyǵyp jatatynyn atap ótkimiz keledi. Mysaly, Shvesııa Ortalyq bankiniń sıfrlyq valıýtasy – e-krona, Qytaı Halyq bankiniń – e-CNY jáne basqa da jobalary alaıaqtardyń áreketimen betpe-bet kelgen bolatyn.
