Dástúr boıynsha, Qarjygerler Kongresi memlekettik organdar men qarjy uıymdary ókilderiniń qarjy sektory men makroekonomıkalyq saıasattaǵy ózekti máselelerdi birlesip talqyǵa salatyn negizgi dıalog alańy bolyp tabylady.
Bul joly qatysýshylar ekonomıkany nesıelendirýdegi júıeli tásilder, qarjylyq jáne naqty sektordyń ózara árekettesýi, saqtandyrý naryǵyn damytý, qarjylyq qoljetimdilikke sıfrlyq tásil, sondaı-aq qor naryǵyndaǵy jańa ınvestısııalyq múmkindikter sekildi taqyryptardy qarastyrady. Sondaı-aq, Kongress aıasynda «Sıfrlyq teńge» jobasy tanystyrylady.
Kongress onlaın jáne oflaın formattarda uıymdastyrylatynyn atap ótemiz. Plenarlyq sessııalar men paneldi talqylaýlardyń onlaın-translıasııasy fincongress.kz saıtynda, sondaı-aq, QUB-tyń Qazaqstan Ulttyq Banki – YouTube YouTube-arnasynda kórsetiledi.
