Qaskóılerge laıyqty jaza

«Brakoner» respýblıkalyq jedel aldyn alý is-sha­ra­sy barysynda Kúrshim aýda­nynyń Quıǵan aýyldyq okrýgine qa­ras­ty «Qyzyl tý» ótke­linde júr­gizilgen tekserý kezinde Kúr­shim aýdanynyń Jer­gi­likti polısııa qyzmeti bas­qar­­masynyń qyzmetkerleri 34 jastaǵy jer­gilikti turǵynnyń bas­qarýyn­daǵy avtokólikti toq­tat­­qan. Tek­sere kele, onyń ruq­sat qu­jat­tarynsyz shaıan áketip bara jat­qan­dyǵy anyq­tal­ǵan. Quqyq qor­ǵaý organdary usynǵan derekterge súıensek, kólikte 364 kılogramnan asatyn 6320-ǵa jýyq tiri shaıan bolǵan. Kúrshim aýdanynyń ınspeksııasy zalal somasyn shamamen 2 014 000 teń­geni quraıdy dep eseptep otyr

– Sotqa deıingi tergeý barysynda kólik júrgizýshisi shaıandardy kelisim jasalǵan kezde betperde kıgen, buryn tanymaıtyn bes er adamnan satyp alǵanyn aıtqan. Keıin taýardy kúıeý balasynyń júk kóligine tıep, О́skemenge bet alǵan. Jol­da ony tártip saqshylary usta­ǵan. Qazirgi tańda kúdiktige qa­tysty Qylmystyq kodekstiń 335-baby 1-bóligimen sotqa de­ıin­gi tergeý bastaldy, – dedi Shyǵys Qazaqstan oblysy PD bas­tyǵynyń birinshi orynbasary Dýman Qojahmetov.

Esterińizge salsaq, brakon­er­likti, bıologııalyq resýrstar obektileriniń zańsyz aınalymyn anyqtaý jáne jolyn kesý maqsatynda 20 qazannan bastap Shyǵys Qazaqstan oblysynyń aýmaǵynda «Brakoner» jalpy respýblıkalyq jedel-pro­fılaktıkalyq is-sharasy ótip jatyr. Aldyn alý opera­sııa­synyń jumysyna jergilikti polısııa qyzmeti, kóshi-qon jáne krımınaldyq polısııanyń kúsh­te­ri, sondaı-aq, ShQO tabıǵı resýrs­tar jáne tabıǵatty paıdalanýdy retteý basqarmasynyń «Orman jáne ańshylyq sharýa­shyl­yǵyna jedel den qoıý ja­saǵy» ınspektorlary jumyl­dy­rylǵan.

25 qazanda Shyǵys Qazaqstan oblysynyń Tarbaǵataı aýda­nynyń aýmaǵynda Omby-Maı­qapshaǵaı tasjolynyń 29-sha­qyrymynda aýdandyq polısııa bóliminiń qyzmetkerleri О́ske­men qalasynyń 58 jastaǵy tur­ǵynynyń basqarýyndaǵy júk kóligin toqtatqan. Belgili bol­ǵany, ol ruqsat qujat­ta­ryn­syz 20 tonnaǵa jýyq kókserke men taban balyǵyn alyp bara jat­qan. Kel­tirilgen jalpy shy­­ǵyn 116 mıllıon teńgeden asa­dy.

– О́skemendikke qatysty Qyl­mys­tyq kodekstiń 335-baby 1-bó­­ligimen sotqa deıingi tergeý bas­tal­dy. Bul bap boıynsha 3 jylǵa deıingi merzimge bas bos­tan­dyǵynan aıyrý túrindegi jaza kóz­delgen, – dep atap ótti Dýman Qojahmetov.

«Brakoner» jedel aldyn alý is-sharalary 19 qarashaǵa deıin jalǵasady.

Shyǵys Qazaqstan oblysy