Jarylystan keıin Ystanbuldaǵy qazaqstandyq dıplomattar jergilikti bılikke habarlasqan.
«Jarylystan keıin mán-jaıdy anyqtaý úshin biraz ýaqyt qajet boldy. Bizdiń dıplomattar túni boıy kezekshilikte boldy. Túrli quzyrly organdardy shaqyryp, jaqyn mańdaǵy barlyq aýrýhanalardy aralady. Baqytymyzǵa oraı, zardap shekkender arasynda bizdiń azamattar joq», dedi Aıbek Smadııarov.
Eske sala keteıik, keshe Ystanbuldyń Istıklıal kóshesinde iri jarylys boldy. Túrkııa prezıdenti Rejep Taıyp Erdoǵan oqıǵany «bombaly shabýyl» dep atady.
Sońǵy málimetter boıynsha Ystanbuldaǵy jarylystan zardap shekkender sany 81-ge jetti.
