«Jyl basynan beri oryndalǵan qurylys jumystarynyń kólemi 5%-ǵa artty. Elimizdiń 17 óńirinde ósim tirkeldi. Qurylys-montajdaý jumystarynyń qarqyndy ósýi Shymkent qalasynda, sondaı-aq Aqmola, Qyzylorda jáne Almaty oblystarynda baıqalady», dedi Álibek Qýantyrov Úkimet otyrysynda.
Onyń aıtýynsha, osy jyldyń qańtar-qazan aılarynda 11,7 mln m2 turǵyn úı paıdalanýǵa berildi, bul 2021 jyldyń sáıkes kezeńinen 1,1%-ǵa artyq.
«Oń ósim 15 óńirde tirkeldi. Eń joǵary kórsetkishter Túrkistan, Aqmola jáne Almaty oblystarynda, sondaı-aq Shymkent qalasynda baıqalady. Tómendeý Ulytaý jáne Abaı, Mańǵystaý jáne Atyraý oblystarynda, sondaı-aq Astana qalasynda baıqaldy», dep tolyqtyrdy mınıstr.
