Bul jobanyń negizgi maqsaty – elimizdiń ár óńirinen erekshe bilim berý qajettiligi bar balalar arasynan talanttylardy anyqtap, olardyń shyǵarmashylyq qabiletin shyńdap, óneriniń damýyna jaǵdaı jasaý. Onda daryndy jetkinshekter «Vokaldyq óner», «Bı óneri» jáne «Aspapta oryndaý» atty atalymdar boıynsha óner kórsetti.
Festıvalǵa qatysqan balalardy Mádenıet jáne sport mınıstri Dáýren Abaev quttyqtap, ınklıýzıvti bilim berý men qoǵamdy damytýda mundaı jobanyń mańyzy zor ekenin atap ótti.
«О́ner – adamnyń janyn ǵana emdemeıdi, onyń tánine de tirek bolady. Balalardyń talantyn ashýda mundaı alańdar qashanda qajet. Sondyqtan osy jobany júzege asyrýǵa atsalysqan azamattardyń barlyǵyna alǵys aıtamyn. Sizder balalardy baqytty, al qoǵamdy meıirimdi etýge úles qosyp otyrsyzdar», dedi mınıstr.
Gala-konserttiń bir ereksheligi balalar Roza Rymbaeva, Aıjan Nurmaǵambetova, Qurmash Mahan, Saltanat Meńdiǵalıeva, Álibek Álmadıev, Rýhııa Baıdúkenova, Dıdar Abdýhalyq sekildi tanymal ánshiler jáne «Astana sazy» memlekettik folklorlyq ansambli, «Melomen» toby, Turan folklorlyq-etnografııalyq ansambli, Forte Trio jáne Saz&Soul shyǵarmashylyq ujymdarymen birge óner kórsetip, kórermenderge tamasha tartý jasady. Sondaı-aq festıvalge qonaq retinde «Qanattylar» ınklıýzıvti teatrynyń jetekshisi Arnur Iskakov, halyqaralyq baıqaýlardyń laýreaty Altynshash Muqataeva jáne jas ánshi Sevda qatysyp, keshtiń shyraıyn kirgizdi. Sonymen qatar jobaǵa qatysýshy balalardyń ózderi jasaǵan beıneleý jáne sándik-qoldanbaly óner týyndylary da kelýshilerdiń kóńilinen shyqty. Mádenı sharaǵa BI Juldyzaı korporatıvtik qory, BINOM SCHOOL jáne «Nurly júrek» áleýmettik qamsyzdandyrý ortalyǵy qoldaý kórsetti.
