Qos tarap Qazaqstanda temirjol jáne qalalyq qoǵamdyq kólik shyǵarý, tehnıkalyq qyzmet kórsetý jáne jańǵyrtý jónindegi jobalardy iske asyrý máselelerin talqylady.
Á.Smaıylov kompanııanyń elimizde naqty jobalardy júzege asyratynyna senimdi, óıtkeni Qazaqstanda ınvestorlar úshin túrli salyqtyq jáne kedendik jeńildikter qarastyrylǵan.Osy oraıda ol lokalızasııasy joǵary jáne tolyq sıkldi óndiris ashý máselesin qarastyrýdy usyndy.
«Qazaqstan Úkimeti mashına jasaý salasyna erekshe kóńil bóledi, sondyqtan biz sheteldik áriptestermen yntymaqtastyq ornatýǵa múddelimiz. Sondaı-aq birlesken jobalardy iske asyrýǵa qazaqstandyq mashına jasaý kásiporyndaryn tartýǵa bolady dep sanaımyz», dedi Álıhan Smaıylov.
Ol Skoda Transportation kompanııasymen ózara tıimdi yqpaldastyqty pysyqtaý úshin barlyq múddeli memlekettik organdar men uıymdardyń qatysýymen arnaıy jumys toby qurylǵanyn atap ótti.
Al Dıde Pfleger kompanııa jańa naryqty baǵyndyrýǵa daıyn ekenin, sondyqtan óz óndirisin damytý úshin Qazaqstandy perspektıvti seriktes retinde qarastyryp otyrǵanyn atap ótti.
Kezdesýde taraptar ózara tıimdi jobalardy ázirleý boıynsha belsendi jumysty jalǵastyrýǵa múddeli ekenin bildirdi.
Aıta keteıik, chehııalyq Skoda Transportation mashına jasaý kompanııasy – ártúrli kólik túrlerin, onyń ishinde metro, tramvaı, trolleıbýs, temirjol vagondary, elektr poıyzdary men elektr avtobýstaryn shyǵaratyn jetekshi eýropalyq óndirýshilerdiń biri. Kásiporyn Skoda Holding-tiń quramyna kiredi.
