Baıqaý qorǵanys jáne qaýipsizdik salasyndaǵy kreatıvti tehnologııalyq sheshimderdi izdeýge baǵyttalyp otyr.
Qorǵanys mınıstriniń orynbasary Darhan Ahmedıevtiń aıtýynsha, jarııalanǵan konkýrs sheńberinde qorǵanys vedomstvosynyń múddesindegi aqparattyq júıelerdi qurý úshin IT-mamandarǵa baǵyt usynatyn tehnıkalyq tapsyrmalar jumys isteıdi.
Ázirleýshilerge úsh baǵyt boıynsha tehnologııalyq sheshimder jasaý usynyldy. Birinshisi – kýrsanttar men merzimdi qyzmettegi áskerı qyzmetshiler arasyndaǵy áskerı tártipti qamtamasyz etýdi baǵalaý jáne taldaý. Oǵan «tamaqtaný sapasyn baqylaý», «zattaı múlikpen qamtamasyz etýdi baǵalaý», «áskerı tártipti baǵalaý» modýlderi de kiredi. Ekinshi baǵyt joǵary oqý oryndaryna oqýǵa grant alý úshin merzimdi qyzmettegi sarbazdardy irikteý krıterııleri boıynsha kópfýnksıonaldy platformanyń nusqasyn jasaýdy kózdeıdi. Al úshinshisi – Deftech portalyn ázirleý.
Aıta keteıik, mınıstrlik daıyndaǵan tehnıkalyq tapsyrmalar Astana Hub saıtynda jarııalanǵan: https://astanahub.com/ru/tech_task/khakaton-v-sfere-oborony-i-bezopasnosti-defense-tech-2-0.
Irikteý týry osy jyldyń 28 qarashasynda ótedi. Jeńimpazdar baǵdarlamalyq ónimderdi tanystyrý jáne olardy qosymsha zerdeleý qorytyndylaryna qaraı anyqtalady.
Saıysqa 18 jastan asqan Qazaqstan azamattary, IT-kompanııalar, pılottyq jobany iske asyrý úshin jetkilikti resýrstary bar startaptar qatysa alady. Taratylýy shektelgen qyzmettik aqparatqa jáne onymen jumys isteýge ruqsat berý kelisimmen resimdeledi.
