Foto: Ashyq derekkóz
Sot barysynda aıyptalýshy Sultan Sársemalıev óz kinásin ishinara moıyndaǵanyn málimdedi. Ol Naýryz Muqanǵalıevtiń qazasyna qatysty kisi óltirý aıybymen kelispeıtinin aıtyp, bul oqıǵa abaısyzda bolǵanyn jáne ózin qorǵaý maqsatynda áreket etkenin alǵa tartty.
Sondaı-aq, Sársemalıev Maqsot Qarabalınge 9 ret, onyń áıeli Násip О́teshkalıevaǵa 8 ret, al Meıramgúl Qarabalınge 32 ret pyshaq jaraqatyn salǵanyn moıyndady.
Sonymen qatar ol urlyq, alaıaqtyq jáne qujattardy zańsyz ıemdený baptary boıynsha da kinásin moıyndaǵan. Onyń aıtýynsha, qylmys jasaǵannan keıin izin jasyrý maqsatynda osyndaı áreketterge barǵan.
Sársemalıev isi: Prokýror qylmystyń qalaı jasalǵanyn aıtyp berdi
Osylaısha, aıyptalýshyǵa taǵylǵan 13 aıyptyń ishinde tek Naýryz Muqanǵalıevtiń ólimine qatysty epızod boıynsha ǵana qasaqana kisi óltirýdi joqqa shyǵarǵan.
Eske salaıyq, Jangeldın aýylyndaǵy jappaı kisi óltirý isi Atyraý oblysynda úlken qoǵamdyq rezonans týdyrǵan edi. Tergeý nusqasyna sáıkes, qaza tapqandar aıyptalýshynyń burynǵy jubaıynyń týystary bolǵan.
Eske sala keteıik, buǵan deıin kúdikti ólim jazasyna da daıyn ekendigin málimdegen bolatyn.
