Josparly reıd kezinde ulttyq park ınspektorlary Aqylbaı ormanshylyǵynyń mamandarymen birge patrýldeý jumystaryn júrgizgen. Sol sátte olar Aqylbaı aýyly jaǵynan Kókshe taýy mańyndaǵy Shıe saı baǵytyna qaraı júzip bara jatqan urǵashy elikti baıqaıdy.
Mamandardyń aıtýynsha, jabaıy janýarlardyń sý aıdyndaryn júzip ótýi qalypty qubylys bolǵandyqtan, bastapqyda bul jaǵdaı alańdaýshylyq týdyrmaǵan. Alaıda ınspektorlar janýardy baqylaýdy jalǵastyrǵan.
«Býrabaı» ulttyq parkiniń aýmaǵynan 263 tekshe metr qoqys shyǵaryldy
Eki saǵattan astam ýaqyt ótken soń eliktiń álsirep, sý betinde áreń qozǵalyp júrgeni anyqtalǵan. Sol kezde park qyzmetkerleri janýardyń ózdiginen jaǵaǵa jete almaıtynyn túsingen.
«Biz motorly qaıyqpen dereý jetip, elikti sýdan shyǵaryp aldyq. Ýaqytyly kómek kórsetip, jaǵaǵa jetkizdik», deıdi janýarlar dúnıesin qorǵaý jáne ósimin molaıtý bóliminiń ınjener-ıhtıology Sergeı Kýcherenko.
Qutqarylǵan janýar biraz tynyǵyp alǵan soń ormanǵa qaraı júgirip ketken.
Mamandardyń baǵalaýynsha, bul shamamen eki jastaǵy jas urǵashy elik bolǵan. Onyń uzaq qashyqtyqqa júzýge tájirıbesiniń azdyǵy men fızıkalyq tóziminiń jetispeýi álsireýine sebep bolýy múmkin.
Ulttyq park ókilderi mundaı jaǵdaılar tabıǵatty turaqty baqylaý men reıdtik jumystardyń mańyzyn kórsetetinin aıtady. Inspektorlar jabaıy janýarlarǵa qaýip tóngen jaǵdaıda jedel áreket etýge árdaıym daıyn ekenin atap ótti.
