Foto: bbc.com
The Economist basylymynyń málimetinshe, 2030-jyldarǵa qaraı Eýropanyń birqatar kóshbasshylary Ulybrıtanııanyń Eýroodaqqa qaıta qosylýy jónindegi jańa kelisimge qol qoıýy múmkin. Oǵan sebep te jetkilikti – Brexit-ten keıin Ulybrıtanııa jalpy ishki ónimi shamamen 4%-ǵa qysqarǵan. Sonymen qatar saýalnama nátıjesine sáıkes, turǵyndardyń 58%-y Eýroodaqtan shyǵýdy qate sheshim dep sanap, Eýropamen baılanysty qaıta nyǵaıtýdy qoldaıtynyn kórsetken. Osyǵan baılanysty elde qazirgi tańda leıborıster partııasynyń ókilderi tarapynan «Bre-entry» ıdeıasy keń talqylanyp jatyr.
Saıası baqylaýshylardyń pikirinshe, ázirge Ulybrıtanııanyń Eýroodaqqa qaıta qosylýy jóninde naqty jospar joq. Degenmen qorǵanys, qaýipsizdik jáne ekonomıka salalaryndaǵy jańa kelisimder Londonnyń Eýropamen baılanysyn arttyrǵan.
Ulybrıtanııada TikTok pen YouTube jelileri jasóspirimder úshin qaýipti dep tanyldy
Máselen, taıaýda Ulybrıtanııa men Polsha qorǵanys jáne qaýipsizdik salasyndaǵy mańyzdy kelisimge qol qoıǵan. Buǵan deıin brıtan bıligi Germanııa jáne Fransııamen de osyǵan uqsas qorǵanys kelisimderin jasaǵan.
Eske sala keteıik, Ulybrıtanııa Ormuz buǵazyndaǵy jaǵdaıǵa baılanysty Reseı munaıyna salynǵan sanksııany jeńildetken bolatyn.
