Foto: Anadoly
Jergilikti derekkózderdiń habarlaýynsha, Izraıl áskeri Gaza qalasyndaǵy Rımal aýdanyndaǵy ǵımaratqa áýeden soqqy jasaǵan.
Shabýyl saldarynan úsh palestınalyq, onyń ishinde bir áıel qaza tapqan, 20 adam jaralanǵan.
Palestına bıligi ázirge shabýyl men adam shyǵynyna qatysty resmı málimdeme jasaǵan joq.
Áleýmettik jelilerde taraǵan beınejazbalarda soqqy jasalǵan ǵımarat pen onyń aınalasynyń qatty zaqymdanǵany kórinedi.
Osy jaǵdaıǵa baılanysty Bınıamın Netanıahý men Israel Kas birlesken málimdemesinde Izraıl armııasynyń Gaza sektoryna jasaǵan shabýylynyń nysanasy HAMAS-tyń qarýly qanaty − «Izz ad-Dın ál-Kassam brıgadalarynyń» komandırleriniń biri Muhammed Avde bolǵanyn málimdedi. Sondaı-aq shabýyl Netanıahý men Kastyń buıryǵymen júzege asyrylǵany aıtylyp, Avde «Qassam brıgadalarynyń» jańa jetekshisi ekeni alǵa tartylǵan.
15 mamyr kúni Izraıl armııasynyń Gaza sektoryna jasaǵan shabýyly kezinde HAMAS-tyń qarýly qanaty «Izz ad-Dın ál-Kassam brıgadalarynyń» komandıri Izz ad-Dın ál-Haddad áıeli jáne qyzymen birge qaza tapqan bolatyn.
