Foto: Foto: t.me / mazhilis_kz (arhıv)
Depýtattyń aıtýynsha, Jambyl oblysyndaǵy fosfor óndirisinen qalǵan qaldyq kólemi 20 mln tonnaǵa jetken. Bul másele buǵan deıin de birneshe ret kóterilgenimen, naqty nátıje bolmaı otyr.
«Bul qaldyqtar qala mańyndaǵy turǵyndarǵa ekologııalyq zııan keltirip jatyr. Osy máseleni sheshýge Ekologııa mınıstrliginiń shamasy jete me? Qoldanatyn naqty shara bar ma?», dedi Jıgýlı Daırabaev.
Sondaı-aq depýtat aýyl turǵyndaryna qoıylatyn ekologııalyq talaptardy qaıta qaraýdy usyndy. Onyń sózinshe, 20-30 úıden turatyn shaǵyn aýyldarda halyq óz aýlasynda 50-100 basqa deıin mal ustap otyr. Alaıda qazirgi talap boıynsha olar ekologııalyq ruqsat alýǵa mindettelgen.
Depýtat mundaı talaptardyń qarapaıym sharýalarǵa qosymsha kedergi keltiretinin aıtty.
«Aýyldaǵy adam kún kórý úshin mal ustaıdy. Biraq qazir qujat jınap, jarty jyl ekologııalyq ruqsat kútedi. Ol jumys isteýge múmkindik bermeıdi. Ol jerde maldyń qıynan basqa eshqandaı ekologııalyq qaýip joq», dedi ol.
Depýtat: Dári-dármekke baılanysty zańǵa mańyzdy túzetýler engizildi
Ekologııa jáne tabıǵı resýrstar mınıstrliginiń ókili bul máselege qatysty zań aıasynda aıyppul salý jáne ekologııalyq ruqsatty toqtatý tetikteri bar ekenin aıtty.
Onyń sózinshe, eger kásiporyn ózine júktelgen mindetterdi oryndamasa, tekseristen keıin aıyppul salynyp, talap oryndalmaǵan jaǵdaıda ekologııalyq ruqsaty toqtatylýy múmkin. Sonymen qatar aýyl sharýashylyǵyndaǵy nysandardyń qyzmeti ártúrli ekenin aıtyp, máseleni naqty talqylaý qajet ekenin jetkizdi.
«Eger shynymen bızneske artyq júkteme bolyp turǵany dáleldense, ony ekinshi oqylymǵa deıin qarastyrýǵa bolady», dedi atalǵan mınıstrliktiń ókili.
Al Májilis depýtaty Edil Jańbyrshın zań jobasy aıasynda qaıta óńdeletin shıkizatty halyq sharýashylyǵy men qurylys salasynda paıdalanýǵa múmkindik beretin normalar engizilgenin málimdedi.
«Biz «ekinshi rettik resýrs» uǵymyn engizdik. Eger qaldyq asa qaýipti bolmasa, ony qaıta óńdep, túrli salada paıdalanýǵa múmkindik bolady», dedi E. Jańbyrshın.
Eske salaıyq, buǵan deıin plastıkalyq operasııa kezinde qaıtys bolǵan máslıhat depýtaty týraly jazǵanbyz.
