Foto: Ashyq derekkóz
Tengenomika arnasynyń málimetinshe, bul tehnologııany eń jyldam ári ıkemdi engizip jatqan memleketter arasynda birinshi orynda – Birikken Arab Ámirlikteri (70%), ekinshi orynda – Sıngapýr (63%), úshinshi orynda – Norvegııa (49%) tur.
Alǵashqy ondyqqa Irlandııa men Fransııa (48%), Ispanııa (44%), Jańa Zelandııa (43%), Ulybrıtanııa, Nıderland jáne Katar (42%) endi.
Ispanııada La Lıga tóreshileriniń jumysyn jasandy ıntellekt baǵalaıdy
Osy rette AQSh-ta JI qoldaný deńgeıi – 31%, Taıvanda – 31,8%, Japonııada – 22,5%, Úndistanda – 17,6%, Qytaıda – 16,4%, Qazaqstanda – 15,9%, al Reseıde – 9,5% boldy.
Qazaqstanda 2025 jyldyń birinshi toqsanynda bul kórsetkish 12,7% edi. Bir jyl ishinde jasandy ıntellektini paıdalaný deńgeıi 3,2 paıyzdyq tarmaqqa ósken. Qazir JI bıznes, keńse jumysy, qyzmet kórsetý salasy men korporatıvtik prosesterge birtindep enip keledi.
Sarapshylardyń pikirinshe, búginde jahandyq básekeniń modeli ózgerip jatyr. Jasandy ıntellektini eńbek resýrsy shekteýli, adam kapıtaly úshin báseke joǵary jáne qyzmet eksportyn damytýǵa baǵyttalǵan elder belsendi engizip jatyr. Olar úshin JI – jumys oryndaryn kúrt arttyrmaı-aq ónimdilikti ósirýdiń tıimdi quraly.
Shymkentte jasandy ıntellekt mektebi ashyldy: Kimder tegin oqı alady?
Sondyqtan Azııa qazir jasandy ıntellekt naryǵy eń jyldam damyp jatqan 15 eldiń 10-yn ózine shoǵyrlandyryp otyr.
Mamandardyń aıtýynsha, kelesi jahandyq alshaqtyq baı jáne kedeı elderdiń arasynda emes, jasandy ıntellektini kúndelikti jumysqa tez engizgen ekonomıkalar men ony áli de tek tájirıbelik qural retinde qabyldaıtyn memleketterdiń arasynda bolýy múmkin.
