Jambyl oblysy IID baspasóz qyzmeti habarlaǵandaı, «Brakoner» respýblıkalyq jedel-profılaktıkalyq is-sharasy barysynda Aqkól – Asa tas jolynyń ýchaskesinde keshki tekserý kezinde «Aýdı-100» avtokóligi toqtatyldy.
«Kólik júrgizýshisi polıseılerdi baıqap qalyp, jyldamdyqty shekten asyryp jibergeni óz aldyna kúdik týdyrdy. Kólikti toqtatyp, tintý kezinde artqy oryndyqtan 147 keli zańsyz aýlanǵan balyq tabyldy», dedi Jambyl oblysy IID baspasóz qyzmetiniń jetekshisi Gúlsara Muhtarqulova.
Ustalǵan kólik ıesi balyqty 38 000 teńgege satyp alǵanyn aıtyp, qaıta satýdy josparlaǵan.
«Er adam jabaıy janýarlar men ósimdikter túrlerin zańsyz satyp alý, ótkizý, tasymaldaý boıynsha ákimshilik jaýapkershilikke tartyldy. Salynǵan aıyppul mólsheri 30 630 teńgeni qurady», dep túsindirdi quqyq qorǵaý organy.
Mundaı qylmys úshin jeke tulǵalarǵa - 10 AEK (30 063 teńge), shaǵyn kásipkerlik sýbektilerine - 30 AEK (91 890 teńge), orta kásipkerlik sýbektileri úshin - 10 AEK mólsherinde aıyppul túrinde jaýapkershilik kózdelgen. Iri kásipkerlik sýbektilerine 70 AEK (214 410 teńge) kóleminde aıyppul salynýy múmkin.
