«Bizdegi «Azamattarǵa arnalǵan úkimet» málimetteri boıynsha, bizde 2021 jyldyń sońynda 6,3 mıllıon úı ıesi bar ekendigi anyqtalǵan. Eger shamamen 10 mıllıon ekonomıkalyq belsendi halyq bolsa, onyń 60 paıyzy is júzinde úı ıeleri. Bul Táýelsizdiktiń 30 jyly úshin jaqsy nátıje. Eger biz qurylymǵa enetin bolsaq, onda 5,6 mıllıon, is júzinde 90 paıyzy - jalǵyz turǵyn úı ıeleri», dedi Lázzat Ibragımova Astanadaǵy Strategııalyq bastamalar forýmynda.
Onyń aıtýynsha, Qazaqstanda 717 myń adamda ekiden kóp jyljymaıtyn múlik bar. 607 myń adamda eki úıden, 84 394 azamatta úsh, al 16 509 adamda tórt jyljymaıtyn múlik bar, 4823 adamnyń atynda bes nysan, 1935 adamda alty, 942 adamnyń atynda jeti páterden tirkelgen eken.
«Elimizde 147 adamnyń 20 nemese odan da kóp páteri bar. Shamamen 4,3 mıllıon otbasy osy 6,3 mıllıon páterge ıelik etedi. Oǵan jeke sektorlar da kiredi jáne statıstıkaǵa aýyldyq aımaqtardaǵy barlyq úıler engizilgen», dep qorytyndylady Ibragımova.
