– Qazaqstan kreatıvti ındýstrııa salasynda aldyńǵy qatarǵa shyqqanyna óte qýanyshtymyn. Bul turǵyda Qazaqstan týraly oń pikirler aıtyla bastady. Osyndaǵy azamattar buǵan zor eńbek sińirdi. Sizderge shyn júrekten rızashylyǵymdy bildiremin, - dedi Memleket basshysy.
Qasym-Jomart Toqaevqa megapolıste qandaı startap-jobalar júzege asyrylyp jatqany jáne jasandy ıntellektini bızneste paıdalaný qanshalyqty tıimdi ekeni aıtyldy. Memleket basshysyna Almatyda ǵana emes, búkil elimizde kreatıvti ındýstrııany damytýdyń negizgi perspektıvalary tanystyryldy. Prezıdent jas mamandardyń osy saladaǵy jetistikterin joǵary baǵalady. Sondaı-aq búginde kreatıvti sektordy qoldaý memlekettiń mańyzdy mindetteriniń biri ekenin jetkizdi. Memleket basshysy kezdesýge qatysýshylardyń bastamalaryna tabys tiledi.
