Aq jeleńdiler 158 aýdan men aýyldardy aralap, turǵyndardyń densaýlyǵyn baqylap qaıtqan. Tipti, qolda bar em-dom amaldaryn da jasaǵan. Quramynda terapevt, gınekolog, nevropatolog, lor jáne ýltradybystyq zertteý júrgizý mamandary bar jyljymaly medısınalyq keshen aýyl turǵyndaryna 24 700 dıagnostıkalyq, 21 805 zerthanalyq zertteý jáne 52 206 konsýltasııalyq kómek kórsetken.
Oblystyq densaýlyq saqtaý basqarmasynyń basshysy Arman Janseńgirovtiń aıtýynsha, bul sharalar aýrýdyń aldyn alý maqsatynda uıymdastyrylyp keledi.
«Jyljymaly medısınalyq keshen azamattardyń densaýlyǵyn keń spektrli tekserýden ótkizýge arnalǵan. Bul jobanyń basty ereksheligi, kez kelgen aýyl turǵyny mamandardyń tekserýinen ótip, keńes alýǵa múmkindigi bar. Iаǵnı maqsatymyz – aýrýdy bastapqy kezeńinde anyqtap, emdeý. Bir aıta keterligi, atalǵan keshen qysta aýa raıynyń qolaısyzdyǵyna baılanysty kóktem men kúz merzimderi aralyǵynda jolǵa shyǵyp, turǵyndardy tekserýden ótkizedi», deıdi A.Janseńgirov.
Júrgizilgen tekserýler nátıjesinde oblysta 949 adamnan ártúrli aýrý belgileri anyqtalyp, tolyq tekserýge joldama berilgen. Aıta keteıik, óńirde 8 jyljymaly medısınalyq keshen bar. Jalpy, keshen taldaýlardy qabyldaý aımaǵy, fýnksıonaldy dıagnostıka, akýsher-gınekolog, sondaı-aq sáýlelik dıagnostıka kabınetterinen turady.
Jetisý oblysy
