Taraz jáne jaqyn mańdaǵy eldi mekenderdiń turǵyndaryn tolǵandyratyn ózekti máseleler – qorshaǵan ortanyń lastanýy, azyq-túlik baǵasynyń ósýi, áleýmettik tólemder, aýyl sharýashylyǵy ónimderin qaıta óńdeý.
Kásiporyn dırektory shaǵyn jáne orta bızneske qatysty ádiletsizdikke shaǵymdandy. «Iri kásiporyndar jeńildikter alady, elektr energııasyn tómendetilgen tarıftermen tóleıdi, al biz kóbirek tóleımiz. Baǵalar ósip jatyr. Inflıasııa, jalaqy, sý, gaz, jaryq úshin tólenýi kerek! Biraq bizge ónimniń baǵasyn ustap turý kerek deıdi. Al iri bıznes basshylyǵyna nege bulaı aıtylmaıdy?», dedi ol.
«Iri kompanııalar ekologııalyq zańnamany, sharttardaǵy óz mindettemelerin jıi buzady. Zaýyttardaǵy jabdyqty jóndeýden nemese jańartýdan góri olarǵa aıyppul tóleý ońaıyraq. О́nerkásiptik kásiporyndarǵa arnalǵan zamanaýı tazartý qondyrǵylary qymbat, sondyqtan olar ornatylmaıdy. Al aýanyń, topyraqtyń lastanýy, adamdardy ártúrli aýrýlarǵa dýshar etedi. Meniń oıymsha, aıyppul somasyn ulǵaıtý, zańnamany qatańdatý, sharttardyń barlyq tarmaqtarynyń oryndalýyn mindetteý jáne baqylaý qajet», dedi M.Qajyken.
