Seriktestik serpini

Dıqandardyń qoly uzaryp, jaýapty naýqanda shıraq qı­myldap, mańdaı termen ósi­ril­gen altyn astyqtyń bir dáni dalada ysyrap bolmaı, qut qambasyna quıylýyna jańa tehnıkanyń septigi tıip otyr. Naqtylap aıtar bolsaq, Belarýs­tiń tıimdiligi áldeqashan dálel­dengen kommýnaldyq jáne aýyl sharýashylyǵy sala­larynyń ozyq tehnıkalaryn elimizde quras­tyrýyna baılanysty qat-qabat sharýa sátimen sabaqtaldy.

Búginde oblystaǵy egistik alqaptarda atalǵan kásiporyn­nyń óndiris alańdarynda qurastyrylǵan «Rostsel­mash», «Klever» aksıonerlik qoǵam­darynyń, «AGCO-Amity JV LLC» kompanııasynyń brendtik ónimderin jıi kórýge bolady. Kombaındarmen birge dıqandar úshin óte qajetti, alymdylyǵy joǵary zamanaýı astyq kombaındary men ekpini úı jyqqan­daı qýatty traktorlar, jumy­sy ónimdi egis keshenderi, ár­túrli modeldegi kommýnaldyq teh­nıkalar shyǵarady. 2019 jyly 1 464 birlik tehnıka shyǵarsa, 2020 jyly bul kórsetkish 3 myń­ǵa jetti. Osylaısha, jyl saıyn elimizge qajetti tehnıkalardyń sany kúrt kóbeıip keledi.

О́ńirdegi burynǵy tozyǵy jetken tehnıka jańara bas­tady. Tehnıkanyń jańarýy kóktemgi jáne kúzgi egin oraǵy tárizdi jaýapty naýqandy ýaq­tyly atqarýǵa mol múmkindik be­rip otyr. Shynyn aıtqanda, astyqty óńirdiń dıqandary jańa zamannyń talabyna to­lyq jaýap beretin dál osyndaı tehnıkalarǵa sýsap otyrǵan bolatyn.

Endi bir sát ilkimdi istiń baıandy bastaýy týraly bir aýyz sóz aıta ketelik. Jobanyń alǵashqy kezeńin júzege asyrý úshin 2014 jyly Belarýstiń «Mınsk traktor zaýyty» ashyq aksıoner­lik qoǵamy jáne otandyq «Qazaqstan Agroınnovasııalyq korporasııa­sy» jaýapkershiligi shekteý­li seriktestigi birigip, «MTZ-KAIK» seriktestigin qurǵan bolatyn. Keıin bul joba aýqymdy maqsatty murat tutqan ındýstrııa­landyrý kartasyna engizildi. Oblys ákimdiginiń qoldaýymen sýmen, elektr qýatymen jab­dyqtalyp, ınfraqurylymdy túzý máselesi ońynan sheshildi. Alǵashqyda iskerlik baılanys aıasynda óńirge asa qajetti jeti túrli tehnıkanyń 500 birligi qu­rastyryldy. Jaǵymdy jańalyq eldi eleń etkizdi. О́ıtkeni bir­les­ken kásiporyn daıyndap shyǵaratyn jańa tehnıkalardyń quny jergilikti dıqandar úshin qoljetimdi edi. Traktorlar ǵana emes, áralýan júk kólikteriniń, arnaıy maqsatta paıdalanylatyn mashınalardyń da birneshe túri shyǵaryla bastady.

Búginde bar sharýasy keń óris alǵan ujym «Vıraj» holdınginiń úlesker kompanııasy retinde óńirlik ındýstrııalandyrýdyń kósh basynda tur. Kókshetaý­daǵy ındýstrııalyq-teh­no­lo­gııalyq parkin qamtıtyn qýatty korporasııasy ózi­niń mem­lekettik, qarjylyq tetik­terin «QazAgroQarjy», «Ag­rar­lyq nesıe korporasııasy», «BRK-Lızıng» aksıonerlik qoǵamdary arqyly iske asyryp, óz ónimderin elimiz boıynsha naryqtyq aınalymǵa shyǵaryp otyr. Shyn máninde qalyń qaýym ındýstrııalyq joba jetistiginiń jemisin kórip keledi.

Aqmola oblysy