Respýblıkanyń basym bóligindegi aýa raıynyń turaqsyz sıpaty atmosferalyq fronttardyń ótýimen baılanysty bolady. Atap aıtsaq, jaýyn-shashyn kútiledi, soltústikte qar jaýady, respýblıkanyń qalǵan bóliginde qar aralas jaýyn-shashyn kútiledi.
20 qarashada respýblıkanyń shyǵysynda qatty qar, ońtústik-shyǵysta qatty jaýyn-shashyn bolady. Respýblıka boıynsha jeldiń kúsheıýi, kóktaıǵaq, tuman kútiledi. Soltústik, soltústik-batys, shyǵys jáne ortalyqta burqasyn bolady degen boljam bar. Aýa temperatýrasy túnde soltústik-batys jáne soltústikte 15-23 aıazǵa deıin, shyǵysta 12-20 aıazǵa deıin tómendeýi múmkin.
