Qaırat Satybaldyulynyń 320 mln teńge jymqyrǵan týysyna izdeý jarııalandy, dep jazady Egemen.kz.
QR Sybaılas jemqorlyqqa qarsy is-qımyl agenttigi Memleketke 320 mln teńgeden astam somaǵa zalal keltirgen Qaırat Satybaldyulynyń týysy Bahtııar Baıseıitovke izdeý jarııalady.
«Sybaılas jemqorlyqqa qarsy qyzmet «Qarataý» JShS («Qazatomónerkásip» UAK AQ enshiles uıymy) jáne «Iri building» JShS laýazymdy tulǵalaryna qatysty 2019-2021 jyldar kezeńinde Qarataý kenishinde (Túrkistan oblysynyń Sozaq aýdany) qyzmet kórsetý kezinde aqsha qarajatyn urlaý faktisi boıynsha sotqa deıingi tergeýdi jalǵastyrýda.
Tergeý barysynda B.Baıseıitov Q. Satybaldyulymen týystyq baılanysta bolýyn qoldana otyryp baqylaýyndaǵy kompanııa «Iri building» JShS múddesin lobbılendirip kelgeni anyqtaldy. Atalǵan kásiporyn men kvazımemlekettik sektor sýbektisi «Qarataý» JShS arasynda 2019 jyly «Qarataý» kenishi boıynsha 6,2 mlrd teńge somasyna qurylys jumystaryna shart jasalǵan. B.Baıseıitov «Iri building» JShS qyzmetin tikeleı basqarǵan jáne obekti qurylysynan túsip kelgen aqshalaı qarajatty bólip otyrǵan. Bul rette jabdyqtyń bir bóligi jetkizilmegen, al oǵan arnalǵan qarajat zańsyz shyǵarylyp, urlanǵan. Memleketke keltirilgen zalal 320 mln teńgeden asty», delingen baspasóz habarlamasynda.
Málim etilgendeı, qazirgi ýaqytta B. Baıseıitov Qazaqstannan tys jerde.
«Onyń zańsyz áreketteri QR Qylmystyq kodeksiniń 189-baby 4-bóliginiń 2-tarmaǵy boıynsha saralanyp otyr, oǵan izdeý jarııalandy. Onyń yqtımal ornalasqan jeri týraly aqparaty bar azamattardan agenttiktiń kórsetilgen telefondary boıynsha habarlaýdy suraımyz: Call-ortalyq 1424, +7 (7172) 909 260. Aqparat bergeni úshin syıaqy qarastyrylǵan. Qupııalylyqqa kepildik beriledi!», delingen agenttik málimetinde.
Atalǵan tulǵanyń ózge de qylmystarǵa qatysy bar-joǵy tekserilýde.
Qazaqstan ónerpazdary «Teatr barysyn» anyqtaıdy
Sport • Búgin, 12:08
Nurbah Rústemov qyzmetinen bosatyldy
Qoǵam • Búgin, 11:51
Kım Chen Yn taq muragerin tańdady
Álem • Búgin, 11:47
Qazaqstannyń Rýmynııa jáne Slovenııadaǵy elshileri taǵaıyndaldy
Taǵaıyndaý • Búgin, 11:45
Elordadaǵy Beısekova kóshesi erteńnen bastap jabylady
Qoǵam • Búgin, 11:33
Iýta shtaty jasóspirimderdiń áleýmettik jelige kirýine shekteý qoıdy
Álem • Búgin, 11:22
Uqsas jańalyqtar
