Jumys tártibine sáıkes, tańǵy saǵat 6-da Qarajanbas ken ornynda Túpqaraǵan aýdanyna qarasty № 236 saılaý ýchaskesi óz jumysyn bastady. Dástúr boıynsha aldymen Memlekettik Ánuran shyrqaldy. Bas dırektordyń birinshi orynbasary Qýanyshbaı Nurǵalıev bastaǵan kompanııa basshylary men óndiristik basqarma dırektory Ǵabıt Sádýaqasov alǵashqylardyń biri bolyp daýys berdi.
Munaıshylar el bolashaǵyn tańdaýdaǵy úlesiniń zor ekenin túsinip, saılaýǵa erekshe umtylyspen qatysyp jatyr. Jumys aýysymy aldynda daýys bergenderdiń biri - munaı daıyndaý jáne aıdaý sehynyń (MDAS) operatory - Álibı Joldybaev.
«Otanymyzdyń taǵdyry úshin mańyzdy kúnge atsalysý - azamattyq mindetim. Sehtaǵy áriptestermen birge biz de óz daýysymyzdy berdik. Halyqtyń múddeleri birinshi orynda turǵan qolaıly ózgeristerdi kútemiz», dedi ol.
Baqylaýshylar saılaýshylardyń daýys berýge qarqyndy qatysyp jatqanyn, uıymdastyrý deńgeıiniń joǵarylyǵyn atap ótti. Jalpy saılaýda patrıotızm men birlik rýhy anyq seziledi. Aıta ketý kerek, vahtaaralyq demalysta júrgen qarajanbastyqtar men ortalyq keńse qyzmetkerleri turǵylyqty jeri boıynsha ýchaskelerde daýys berýde.
