Nazarbaev: EAEO kelisimi barlyq taraptardy qanaǵattandyrady

ASTANA. 30 mamyr. Eýrazııalyq ekonomıkalyq odaqtyń kelisimi oǵan qatysýshy barlyq taraptardyń kóńilinen shyǵady, onyń talaptary túgel qanaǵattandyrady. Qazaqstan Prezıdenti Nursultan Nazarbaev Reseı, Belarýs jáne Qazaqstan elderi basshylarynyń shaǵyn sheńberdegi kezdesýin asharda osylaı dedi. Bul týraly RIA «Novostı» tilshisi habarlady. Qazaqstan lıderiniń aıtýy boıynsha, atalmysh qujattyń «Reseı, Qazaqstan jáne Belarýs elderiniń bolashaǵy úshin tarıhı máni bar». «Kelisim barlyq memleketterdiń múddesin qorǵaı alatyndaı salmaqty, saýatty etip jasaldy», - dedi Nazarbaev. Ol óz sózinde osy baǵytta orasan zor jumystardyń atqarylǵanyna toqtalyp, aqyr sońynda «barlyq taraptardy qanaǵattandyratyn mámilege kelgenin» atap ótti. «Onda memleketterdiń teń quqyqtyǵynyń, olardyń terrıtorııalyq tutastyǵynyń, sondaı-aq odaqqa múshe memleketterdiń saıası qurylymdary erekshelikterin qurmetteýdiń barsha qaǵıdattary qamtylǵan barlyq bazalyq aspektiler atap kórsetildi», - dedi Nazarbaev Joǵary eýrazııalyq ekonomıkalyq keńestiń shaǵyn quramdaǵy otyrysyn ashardaǵy sózinde. Odaqtyń sheshimderi «árbir tarap anyqtaýshy daýys alatyn» konsensýs qaǵıdaty boıynsha qabyldanady. «Kadr saıasaty taraptardyń teń mólsherde usyný jáne konkýrstyq negizde qabyldaý prısıpteri boıynsha qurylady», - dep túsindirip ótti ol. Sáken Maılybaı. Derekkóz: RIA «Novostı». Foto: RIA «Novostı». Mıhaıl Klımentev.