Eń birinshi bolyp shettegi qazaqstandyqtar Japonııa men Koreıada daýys berdi. Tokıoda №261 jáne Seýlde № 258 saılaý ýchaskeleri jergilikti ýaqyt boıynsha saǵat 07.00-de ashyldy.
Sodan keıin Beıjiń, Shanhaı, Gonkong, Sıngapýr, Kýala-Lýmpýr, Ulan-Batyr qalalarynda daýys berý ýchaskeleri óz jumysyn bastady.
Kelesi bolyp Djakarta men Bangkok qalalarynda saılaý ýchaskeleri azamattardy qabyldaı bastady.
Bul qatarda Omsk, Bishkek jáne Delı de bar.
Keıin Tashkent, Ashhabad, Islamabad jáne Dýshanbede saılaý ýchaskeleri ashyldy.
Tashkentte júrgen eskek esýden Qazaqstan quramasy judyryqtaı jumylyp, daýys berýge qatysty.
Kóp uzamaı Taıaý Shyǵysta Abý-Dabı, Dýbaı, Maskat saılaý ýchaskeleri de óz jumysyna kiristi.
Saılaý kezinde Abý-Dabıde bolǵan Qazaqstan Ulttyq fýtbol qurama komandasy da daýys berýshilerden qalys qalmady.
Erevan, Baký, Astrahan jáne Tbılısıde daýys berýge arnalǵan ýchaskeler jumys isteýge saqadaı saı turdy.
Saǵat 10:30-darda Máskeý, Sankt-Peterbýrg jáne Qazandaǵy saılaý ýchaskeleri daýys berýshiler úshin esikterin ashty.
Máskeýde de saılaýshylardyń belsendiligi joǵary.
Osy mezette Tegeran, Er-Rııad, Djıdda, Amman jáne Dohada da saılaý ýchaskeleri ashyla bastaǵan edi.
Qazaqstan azamattary úshin Ankara, Ystanbul jáne Antalııadaǵy saılaý ýchaskeleri de jumysyn ýaqytyly bastady.
Bul ýaqytta Vılnıýs, Tel-Avıv, Afıny, Sofııa, Býharest, Tallın, Helsınkı, Rıga qalalarynda da daýys berý ýchaskeleri tas-túıin daıyn turǵan bolatyn.
Astana ýaqyty boıynsha tús kezinde Berlın, Bern, Madrıd jáne Varshavadaǵy saılaý ýchaskeleri kelýshilerge esigin aıqara ashty.
Vena, Brıýssel, Parıj, Praga qalalarynda da daýys berý ýchaskeleri josparly ýaqytynda óz jumysyn bastady.
Bul qatarda Býdapesht, Rım, Gaaga jáne Bratıslavadaǵy saılaý ýchaskeleri bar.
Sondaı-aq London jáne Zagreb qalalarynda daýys berý ýchaskeleri óz jumysyn bastady.
Aıta keteıik, sheteldegi eń sońǵy saılaý ýchaskesi Astana ýaqytymen saǵat 21:00-de AQSh-tyń Kalıfornııa shtatyndaǵy San-Fransıskoda ashylady.
