Jetisý oblysyna qarasty Kerbulaq aýdanynyń turǵyndary Medet Amanbaev pen Indıra Erbolatova búgin shańyraq kóterip otyr. Osy qýanyshty kúnde jas jubaılar Saryózektegi Ábiken Sarybaev atyndaǵy aýdandyq mádenıet úıinde ornalasqan №613 saılaý ýchaskesine kelip daýys berdi.
Saılaý kúni men otaý qurý kúniniń qatar kelýin olar jaqsylyqtyń nyshany dep esepteıdi.
«Biz otbasylyq ómirdegi alǵashqy qadamymyzdy elimizdiń erteńin ózgertýge úles qosýdan bastaǵymyz keldi. Saılaýda daýys berý – óz bolashaǵyńa daýys berý», deıdi jas jubaılar.
Jetisý oblysy ákiminiń baspasóz qyzmetiniń málimetinshe, dál qazir Jetisý oblysynda saılaýshylardyń 68,88%-y daýys bergen.
