Tártip saqshylary quramynda spırt bar ónimdi zańsyz taratýǵa qarsy is-qımyl boıynsha jumys júrgizýde. Mysaly, Soltústik Qazaqstan oblysy Polısııa departamenti Uıymdasqan qylmysqa qarsy kúres basqarmasynyń qyzmetkerleri Petropavl qalasyndaǵy garaj kooperatıvteriniń birinen kontrafakt ónimderiniń qoımasyn anyqtady. 740 lıtr spırt pen 50 lıtr konıak quıylǵan, 158 bes lıtrlik ydys, sonymen qatar aksız markasynsyz 22 369 qorap temeki tárkiledi. Bul iri kólemge jatady.
– Garajdyń ıesi garajynyń qandaı maqsatta paıdalanylatynyna esh kúdiktenbesten jalǵa bergeni belgili boldy. Tekseris barysynda zańsyz taýardyń ıesi anyqtaldy. Jınalǵan materıaldar prosessýaldyq sheshim shyǵarý úshin Ekonomıkalyq tergeý departamentine tapsyryldy, – deıdi SQO PD bastyǵynyń orynbasary polısııa polkovnıgi Rýslan Nazarov.
Jyl basynan soltústikqazaqstandyq polıseıler 7900 lıtr kontrafaktilik alkogol tárkiledi.
