Komıtet hatshysy Qanatbek Safınov óz sózinde daýlardy sheshýdiń balama rásimderin qoldanýdyń mańyzyn atap ótti. Depýtat bul ádis sot júıesi jumysynyń tıimdiligin arttyrýǵa, taraptardyń qarjylyq jáne uıymdastyrýshylyq shyǵyndaryn qysqartýǵa, sondaı-aq quqyqtyq janjaldardy sheshý mádenıetiniń deńgeıin arttyrýǵa múmkindik beretinin atap ótti.
«Bizdiń elimizde medıasııa óziniń qalyptasý jáne damý jolynan ótip keledi. Bolashaqta medıasııany qoldaný tıimdirek bolady dep oılaımyn. Al janjaldy jaǵdaılar daýlardy sotqa deıingi retteý tártibimen óziniń sheshimin tabady. О́ıtkeni medıasııanyń óz artyqshylyqtary bar», dedi senator Safınov.
Otyrys barysynda talqylanatyn zań aıasynda, mysaly, «Neke (erli-zaıyptylyq) jáne otbasy týraly» kodekste nekeni buzýdy tirkeý tártibi jeńildetilgeni, al «Notarıat týraly» zańda notarıýstardyń atqarýshylyq jazbalaryn qoldaný aıasy keńeıtilgeni atap ótildi.
Kezdesýde Joǵarǵy Sottyń, Ádilet, Aqparat jáne qoǵamdyq damý mınıstrlikteriniń ókilderi baıandama jasady. Olar daýlardy sottan tys jáne sotqa deıingi retteý salasynda atqarylyp jatqan jumystar týraly aıtty.
Komıtet depýtattary otyrys qorytyndysy boıynsha Úkimet pen barlyq múddeli memlekettik organdardyń atyna jiberiletin usynymdar ázirledi.
