Syrtqy ister mınıstriniń orynbasary Roman Vasılenko túsindirgendeı, qujat ınvestorlardyń ınvestısııalyq qyzmetti júzege asyrý quqyqtaryna kepildikterdi qamtamasyz etý arqyly yntymaqtastyqtyń quqyqtyq negizin qurýdy kózdeıdi, sondaı-aq ınvestısııalyq ahýaldy jaqsartýǵa jáne elder arasyndaǵy yntymaqtastyqty odan ári damytýǵa yqpal etedi.
«Kelisim sondaı-aq soǵys jáne basqa da qarýly qaqtyǵystar saldarynan, sondaı-aq memleket menshigine alý jáne eksproprıasııalaý kezinde keltirilgen zalal men shyǵyndardy óteý tártibin belgileıdi. Sonymen qatar ınvestısııalyq daýlardy sheshý tártibi egjeı-tegjeıli belgilenip jatyr», dep qosty Májilis depýtaty Aıgúl Quspan.
Roman Vasılenkonyń aıtýynsha, 2022 jyldyń 9 aıynda elder arasyndaǵy taýar aınalymy 558 mıllıon AQSh dollaryn qurasa, birinshi jartyjyldyqta ınvestısııa aǵyny ótken jyldyń osy kezeńimen salystyrǵanda eki esege artyp, 127 mıllıon AQSh dollaryn quraǵan. 2005 jyldan bastap búgingi kúnge deıin BAÁ-den kelgen tikeleı sheteldik ınvestısııa aǵyny 2,9 mlrd AQSh dollaryn qurady. 1 qazandaǵy jaǵdaı boıynsha Qazaqstanda BAÁ kapıtalynyń qatysýymen 371 zańdy tulǵa tirkeldi, 5,3 mlrd AQSh dollaryn quraıtyn 28 joba júzege asyrylýda.
