Qazaqstan • 24 Qarasha, 2022

Otandyq taýarlardy qoldamaıtyn dúkenderge shara qoldanylýy múmkin

28 ret kórsetildi

Palatanyń kezekti otyrysynda Senat Tóraǵasy Máýlen Áshimbaev qazaqstandyq jáne sheteldik taýar óndirýshilerge tıisti múmkindikterdiń ártúrli qalyptasyp otyrǵany týraly máseleni kóterdi. Onyń aıtýynsha, sýpermarketterde ımportqa basymdyq berý áli de baıqalyp otyr, dep habarlaıdy Egemen.kz.

«Biz bul máseleni buryn da kótergen edik. Saýda jelileri qazaqstandyq kásipkerlerden qosymsha aqy talap etýge kóshken. Ony ımporttaýshylar jasap otyr, al bizdiń aýylsharýashylyq taýar óndirýshilerimizdiń olaı isteýge múmkindigi joq. О́nimniń ózindik quny onsyz da joǵary», dedi Senat Tóraǵasy jıyn barysynda.

Osy oraıda, Máýlen Áshimbaev senatorlardyń nazaryna osy saladaǵy naqty jumystyń nátıjesin jetkizýdi talap etti.

«Jaqyn arada otandyq aýyl sharýashylyǵy taýaryn óndirýshiler óz ónimderin iri saýda jelilerinde jaqsy oryndarǵa qoıýǵa múmkindik alady dep senemiz. Úkimet osy baǵytta qandaı sheshimder qabyldanǵany týraly depýtattarǵa arnaıy habarlaıdy dep úmittenemiz. Eger saýda jelileri mundaı talaptardy oryndamasa, onda qoldanystaǵy zańnama aıasynda olarǵa qatysty qandaı sharalar qoldanýǵa bolatyny qaralady», dedi Senat Tóraǵasy.

Máýlen Áshimbaev osyǵan deıin mundaı jaǵdaı baǵa men ınflıasııanyń ósýine yqpal etetinin atap ótken edi.

«Bul biz árqashan jelilik saýda oryndaryn baqylaı bermeıtindigimizden týyndap otyr. Biz aýyl sharýashylyǵy taýaryn óndirýshilerge qoldaý bildirmeımiz degen sóz. Bul máseleni ózgeshe shara qabyldaý kerek bolǵanda normatıvti túrde retteýge bolady», dep atap ótti Máýlen Áshimbaev.

Ol sondaı-aq depýtattar qajet bolǵan jaǵdaıda zańdarǵa qajetti túzetýler engizýge daıyn ekenin jetkizdi.

Sońǵy jańalyqtar

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Almaty mańynda jer silkindi

Aımaqtar • Keshe

Uqsas jańalyqtar