Jergilikti «Qaırat» tusaýkeser kezdesýin Maltanyń «Lýksol Sent-Endrıýs» klýbymen ótkizdi. Bul komandanyń halyqaralyq arenada qol jetkizgen pálendeı tabysy joq. Soǵan qaramastan qonaqtardyń oıyny óte jaqsy áser qaldyrdy. «Qaırattyń» oıynshylary qansha talpynǵanymen, qarsylastar qaqpasyn birde-bir ret dál kózdeı almady. Ásirese Shyńǵys Esenamanov, Albert Aqbalyqov, Dáýren Tursaǵulov, Karvalo jáne Dos Santostyń shabýyldary óte qaýipti boldy. Biraq Stefan Velanyń senimdi jáne saýatty qımylynyń arqasynda «Lýksol Sent-Endrıýstiń» qaqpasy goldan aman qaldy. Araldyqtar qatarynda komanda kapıtany Mark Zammıt óte belsendi oınady. Nátıjesinde, bul match 0:0 esebimen teń aıaqtaldy.
Keshe «Qaırat» Chehııanyń «Hrýdıma» klýbymen kúsh synassa, erteń Lıssabonnyń «Benfıkasymen» sheberlik baıqasady. Esterińizge sala keteıik, osy toptan úzdik shyqqan komanda ǵana fınaldyq týrnırge joldama alady.
