Aımaqtar • 25 Qarasha, 2022

Almatyda ýran ónerkásibiniń máseleleri jóninde konferensııa ótip jatyr

92 ret kórsetildi

Almaty qalasynda «Ýran ónerkásibiniń ózekti máseleleri» H halyqaralyq ǵylymı-praktıkalyq konferensııa ótip jatyr, dep habarlaıdy Egemen.kz.

Konferensııa jumysyna Qazaqstan, Reseı, Fransııa, Kanada, Germanııa, Ulybrıtanııa, Polsha, О́zbekstan, Qyrǵyzstan, Tájikstan jáne Japonııa ǵalymdary qatysýda. Jalpy alǵanda, is-sharaǵa atom salasyndaǵy jetekshi kásiporyndar men kompanııalardyń 450-den astam ókilderi keldi.

Atap ótý kerek, atom energetıkasyn damytýǵa bet alǵan álemdik úrdis elimizde de osy salaǵa erekshe nazar aýdarýdy talap ete bastady. Bul rette, qatysýshylar ýrannyń mıneraldyq-shıkizat bazasyn damytýdyń strategııasyn, ǵylym men óndiristi jetildirý máselelerin jan-jaqty qarastyrýy zańdy.

l

Konferensııanyń negizgi maqsaty da sol – ýran óndirýdiń qazirgi jaǵdaıy men aldaǵy bolashaǵyn talqylaý, halyqaralyq qoǵamdastyqpen birlesip, ozyq ǵylymı-tehnologııalyq maqsattardy atap ótý jáne olardy sheshý úshin alań usyný.

l

Ýran ónerkásibiniń mańyzdy mindetterin sheshýdi ǵylym men tehnologııasyz, halyqaralyq arenada elestetý múmkin emes. Atom ındýstrııasyn damytý álemdik kompanııalardy, ǵalymdardy bilikti mamandardy biriktirýdi talap etedi.

Elimizdegi ulttyq kompanııa «Qazatomónerkásip» salanyń qoldanystaǵy mıneraldyq-shıkizattyq, tehnologııalyq, zııatkerlik jáne ekonomıkalyq áleýetin tıimdi paıdalaný ári ulǵaıtý boıynsha aýqymdy baǵdarlamany iske asyryp jatyr.

l

«О́zderińiz bilesizder, Qazatomónerkásip elimizdiń tek beıbit atomdy damytý saıasatyn ustanady. Konferensııada qamtylatyn máselelerdiń keń aýqymy men qatysýshylardyń joǵary deńgeıi oǵan Qazaqstan men basqa elder úshin strategııalyq mańyzdy sala retinde álemdik ýran ındýstrııasyndaǵy mańyzdy oqıǵa mártebesin beretini sózsiz», dep atap ótti Qazatomónerkásiptiń Basqarma tóraǵasy Erjan Muqanov.

Qazaqstannyń memlekettik saıasatyndaǵy mańyzdy baǵyttardyń biri – álemdik sahnada «beıbit atom» salasyn damytýǵa basymdyq berý. Ári atalǵan salada ǵylymdy damytý máselesine betburys jasaý ásirese mańyzdy ekendigi anyq.

Osyǵan baılanysty, Qazatomónerkásip basshysy «Atom ındýstrııasyndaǵy ǵylymı-tehnologııalyq kóshbasshylyqqa qol jetkizý maqsatynda óndiristik proseske ozyq tehnologııalar men ınnovasııalyq sheshimderdi engize otyryp, ǵylymı ázirlemelerdi belsendi júrgizý mańyzdy», dedi.

Konferensııa barysynda geologııa, geotehnologııa jáne taý-ken daıyndyq jumystary, ýran óndirý jáne qaıta óńdeý tehnologııasy, atom salasy kásiporyndarynyń qaýipsiz jumys isteýi jáne tehnogendik qaldyqtardy basqarý, turaqty damý (ESG) máseleleri, atom salasy jumys isteýiniń quqyqtyq, makroekonomıkalyq jáne bilim berý aspektileri, atom salasyndaǵy sıfrlandyrý, avtomattandyrý jáne robottandyrý talqylanýda.

Shara aıasynda Qazatomónerkásip Paul Scherrer Institute (Shveısarııa) pen Qazaqstan-Brıtan tehnıkalyq ýnıversıteti arasynda yntymaqtastyq kelisime qol qoıdy. Bul qujat salanyń ǵylymı-zertteý jumystaryn júrgizýge, atom salasyndaǵy ǵalymdardy qoldaý men jańa mamandardy daıyndaýǵa yqpal etýge baǵyttalǵan.

Sońǵy jańalyqtar

Munaı baǵasy 16% tómendeıdi

Ekonomıka • Búgin, 11:30

Búgin aýa raıy qandaı bolady?

Aýa raıy • Búgin, 09:33

Elimizde 49 adam indet juqtyrdy

Koronavırýs • Búgin, 09:14

Jańarǵan júıe jaýapkershiligi

Saılaý • Búgin, 08:58

Jańa elektr stansasy salynady

Qoǵam • Búgin, 08:55

Saıyndaǵy sý daýy

Aımaqtar • Búgin, 08:50

Top jarǵan úsh ǵalym

Bilim • Búgin, 08:45

Jalǵan habar taratqanǵa jaza qatań

Qoǵam • Búgin, 08:40

Qyrǵyzdyń óńindeı...

О́ner • Búgin, 08:35

Ana men bala amandyǵy

Medısına • Búgin, 08:35

Saıası alańdaǵy ustanym

Saılaý • Búgin, 08:25

Áleýmettik jobalardyń áleýeti

Úkimet • Búgin, 00:01

Uqsas jańalyqtar