«Memleket basshysynyń saılaýaldy tuǵyrnamasynda jarııalanǵan tapsyrmasyna sáıkes, «7-20-25» baǵdarlamasyn jalǵastyrý josparlanýda, biraq tolyq aqparatty Ulttyq bankten alǵan durys dep oılaımyn», dep túsindirdi Senat otyrysynda Erkebulan Daýylbaev.
Buǵan deıin Senat depýtaty Dáýren Ádilbekov búginde ıpotekalyq baǵdarlama ózektiligin joǵaltyp jatqanyn aıtqan edi.
«Qazaqstandyqtar arasynda «7-20-25» baǵdarlamasy óte tanymal. Alaıda, búgingi tańda, sarapshylardyń pikirinshe, baǵdarlamanyń qolaıly sharttary ózektiligin joǵaltyp jatyr. «7-20-25»-tiń negizgi shekteýi – turǵyn úı qunynyń tómengi shegi jáne tek bastapqy naryqqa baǵyttalý. Bul baǵdarlama boıynsha qaıtalama naryqta nysandardy satyp alý múmkin emes, bul tańdaýdy aıtarlyqtaı shekteıdi», dedi senator.
