«Memleket basshysynyń saılaýaldy baǵdarlamasynda bilim salasyn damytý men balalardyń ál-aýqatyn arttyrýǵa erekshe kóńil bólingen. Endi osy baǵdarlamany belsendi túrde júzege asyramyz. 2 jastan 6 jasqa deıingi balalar mektepke deıingi sapaly tárbıemen jáne oqytýmen qamtamasyz etiledi. Eger buǵan deıin basty nazar 3-6 jasqa deıingi balalardy qamtý bolsa, endi 2 jastan bastap balabaqshamen qamtý mindeti bekitildi. Bul baǵytta mektepke deıingi uıymdardy ashý, onyń ishinde ásirese jekemenshik balabaqshalarǵa memlekettik tapsyrysty ornalastyrý boıynsha jumys uıymdastyrylady», dep jazdy A.Aımaǵambetov.
Onyń aıtýynsha, qabyldanǵan sharalardyń nátıjesinde 2029 jyldyń sońyna deıin 2-6 jas aralyǵyndaǵy balalar mektepke deıingi tárbıemen jáne oqytýmen 100% qamtylady.
«Mektepke deıingi uıymdarda oryndardy ashýǵa arnalǵan naqty jospar ázirlendi. Qyzmetterdiń sapasyn arttyrý úshin memlekettik tapsyrysty ornalastyrýdyń normatıvtik talaptary kúsheıtildi. Memlekettik tapsyrysty ornalastyrý tetigi «Aqsha balanyń sońynan eredi» qaǵıdasyna ózgertildi. Iаǵnı qarajat ata-ana tańdaǵan balabaqshalarǵa jiberiledi», dep jazdy mınıstr.
Sondaı-aq jazbada mektepke deıingi tárbıe men oqytýdyń jańa modeli engizilip, jańa memstandart pen úlgilik baǵdarlamalar qabyldanǵany jazylǵan.
