Jospar boıynsha 11 316,8 mlrd teńge belgilenip, 382,0 mlrd teńgege asyra oryndaýmen 11 698,8 mlrd teńge tústi, ótken jylǵy uqsas kezeńimen salystyrǵanda 1,4 ese nemese 3 400,2 mlrd teńgege ósti, onyń ishinde:
Respýblıkalyq bıýdjet 101,1% oryndaldy (jospar boıynsha 7 867,3 mlrd teńge, 89,3 mlrd teńgege asyra oryndaýmen 7 956,6 mlrd teńge tústi), ótken jylǵy uqsas kezeńimen salystyrǵanda 1,5 ese nemese 2 518,5 mlrd teńgege ósti.
Jergilikti bıýdjet 108,5% oryndaldy (jospar boıynsha 3 449,5 mlrd teńge, 292,8 mlrd teńgege asyra oryndaýmen 3 742,2 mlrd teńge tústi) 2021 jylǵy uqsas kezeńimen salystyrǵanda 30,8% nemese 881,7 mlrd teńgege ósti.
2021 jylǵy uqsas kezeńimen salystyrǵanda respýblıkalyq bıýdjetke túsimderdiń munaıǵa salynatyn eksporttyq kedendik bajdar jáne úshinshi elderden ımportqa QQS boıynsha 1,7 ese, ishki óndiris taýarlaryna QQS 57,2%-ǵa, korporatıvti tabys salyǵy 51,8%-ǵa, paıdaly qazbalar óndirisine salynatyn salyq 24,1%-ǵa jáne EAEO elderinen ımportqa QQS 16,9%-ǵa ósýi baıqalady.
Túsimderdiń ósýine mynadaı faktorlar áser etti.
2022 jyly 10 aıda ótken jylǵy uqsas kezeńmen salystyrǵanda negizgi eksporttyq pozısııalarǵa, onyń ishinde munaıǵa 46,9%, myryshqa 21,9%, alıýmınııge 13,9% jáne altynǵa 0,6% baǵanyń ósýi baıqalady. Shıki munaıǵa salynatyn kedendik áketý bajynyń mólsherlemesi 43,1%-ǵa ósti (1 tonna úshin ortasha mólsherlemesi 2021 jylǵy 10 aıynda – 61,5$, 2022 jylǵy 10 aıynda 1 tonna úshin – 88,0$).
Bıylǵy jyldyń 10 aıynda úshinshi eldermen taýar aınalymy 43,6%-ǵa ósti (eksport 48,3%-ǵa, ımport 32,5%-ǵa ósti).
О́tken jylǵy uqsas kezeńimen salystyrǵanda 2022 jylǵy 10 aıda ótkizý boıynsha aınalym 22,0%-ǵa ulǵaıdy.
