25 qarasha kúni saǵat 02:30 shamasynda 11-shaǵyn aýdandaǵy kópqabatty úılerdiń birinde 40 jastaǵy kúdikti ustaldy.
Tintý barysynda esirtki salynǵan 12 polıetılen paket tárkilendi. Odan ári polıseıler turǵylyqty jerin tintý kezinde marıhýana salynǵan taǵy 11 úlken polıetılen paketterin tapty.
Tárkilengen zattardyń jalpy salmaǵy 41 kelini qurady. Sondaı-aq, kúdiktiden 3 mln 295 myń teńge qarajat tárkilendi.
«Kúdikti óz kinásin moıyndady. Atalaǵan derek Aqtaý qalalyq TJD-da QR Qylmystyq kodeksiniń 296-babynyń 4-bóligi boıynsha tirkeldi. Sotqa deıingi tergeý amaldary júrgizilip, sot-medısınalyq saraptama taǵaıyndalyp, kúdikti ýaqytsha ustaý ızolıatoryna qamaýǵa alyndy», dep habarlady qalalyq PD baspasóz qyzmeti.
