Qazaqstan • 26 Qarasha, 2022

Toqaev: Qazir – saılaýdaǵy jeńisti toılaıtyn kez emes

68 ret kórsetildi

Ulyqtaý rásiminde Qasym-Jomart Toqaev eń aldymen qolǵa alatyn birneshe máselege arnaıy toqtaldy, dep habarlaıdy Egemen.kz.

«Qazir – saılaýdaǵy jeńisti toılaıtyn kez emes, aıanbaı eńbek etetin kez. Sol sebepti, arqany keńge salmaı, birden iske kirisýimiz kerek, bosańsýǵa bolmaıdy. Osy oraıda, eń aldymen qolǵa alatyn birneshe máselege arnaıy toqtalǵym keledi.

Men saılaýaldy sózderimde aýyldy órkendetý isine basa nazar aýdardym. Búginde Qazaqstan halqynyń 40 paıyzǵa jýyǵy aýylda turady. «Aýyl – el besigi» dep halqymyz beker aıtqan joq. Sondyqtan, aýyldaǵy jaǵdaıdy jaqsarta almasaq – bárimizge syn. Sol úshin men búgin aýyldy damytý máselesi týraly Jarlyqqa qol qoıamyn. Osy qujat arqyly Úkimetke aýyldy damytýdyń 5 jylǵa arnalǵan naqty josparyn ázirleýdi tapsyramyn», dedi Prezıdent.

Bul Memleket basshysynyń jańa prezıdenttik merzimdegi birinshi Jarlyǵy bolady.

«Úkimet aýyldy damytýǵa arnalǵan barlyq jobany júıeli túrde rettep, jınaqtaýǵa tıis. Sodan keıin maqsatty túrde tıimdi jumys júrgizemiz», dedi Q. Toqaev.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 10:38

Uqsas jańalyqtar